Лявон Вольскі Саўка ды Грышка. Менскі форум

Текст песни "Лявон Вольскі — Саўка ды Грышка. Менскі форум"

Саўка:
Толька што уехалі
Немец і паляк.
Мёдам тут намазана –
Ну не пайму ніяк...
Толька эці зьехалі –
Ломяцца другія.
Очань вы нам дорагі,
Госьці дарагія!

Грышка:
Калі нас адведваюць
Госьці з-за мяжы,
Гэта вельмі добра,
Што ты ні кажы.
Нам з цывілізацыяй
Трэ б інтэгравацца,
А не зашывацца
Ва ўласнай рэзэрвацыі.

Саўка ды Грышка:
Менскі форум – будзе ўсё ОК,
Менскі форум – Лінднэр і Макей.
Прыйдзем мы на форум падыскутаваць,
Паглядзець на іншых, сябе паказаць.

Саўка:
Пусьць сначала візы
Паадмяняюць нам.
Всё жа мы Германіі
Бліжа, чэм В'ятнам.
Обшчэства ацэніць
Этат добры жэст,
I – дабро пажалаваць!
Тут вас ніхто ня сьест.

Грышка:
Віза беларуская
Вельмі дарагая,
Радасна, што госьцікаў
Гэта не спыняе.
Трэба гаварыць пра ўсё,
Трэба разьбірацца,
А не зашывацца
Ва ўласнай рэзэрвацыі.

Саўка ды Грышка:
Менскі форум – будзе ўсё ОК,
Менскі форум – Лінднэр і Макей.
Прыйдзем мы на форум падыскутаваць,
Паглядзець на іншых, сябе паказаць.
М? А?