Jeedda Дьулуур (OST "Дьулуур: мас-рестлинг" в кино с 2 июня)

Текст песни "Jeedda — Дьулуур (OST "Дьулуур: мас-рестлинг" в кино с 2 июня)"

Өрөгөй ирдиир,
Бэриммэккэ киир.
Сотору сырдыа - бу бүтэһик эргиирбит
Кимэн киирэн ис,
Кыай, хот, ситис.
Өссө биир үктэл, өссө биир кэрдииспит

Дириңник тыын, бу - тиһэх уустук харгыс.
Бэйэң илиигэр барыта: мөлтөх биитэр бастың.
Сөптөөх аартык астың, өстөөх киэр хайыстын.
Көстөр хараххар дьулууруң - көтөх өрө кылыскын.
Ким билиэй? Эн эмиэ дэлэйдэ эрэйтэн кэлэйэн
Элэйбит эрэлгин эрэ тутан халлың бэйэң.
Күн ийэ, сүбэлээ тэһийбэт бүөбэйгэр -
Сүрэхпэр эйэни булан өрө тыынарбын эт.
Хаста эмит олох умса баттаабыт кыһыыта
Ааспат эбит күүскэ туппут илиитин тымныыта.
Ханна да ыыппат, хаайтардың дуу, быһыыта?
Бэринии аһыыта. Иһиллэр ыраахтан хаһыыта.
“Сыыспатах суох” - диигин, “Өссө охсуһуох” - диигин,
Кэлэппит-кэлэйбит кэмнэргин киэң көғүскэр кистиигин.
Сиэн көрдүннэр, синэ биир. Суол түмүгэр ким тиийэр?
Ким-тугун кэпсиэ олохпут эргиирэ.

Бэл үтүө сүбэ сабардыыр сырдыгы,
Ардыгар быдьар тыл күүс эбэргэ дылы,
Алгыс оннугар кырыыс, оттон кырдьык үрдүгэр албын,
Сороғор күүтэр көңүлүң тыына түүннээғэр тымныы.
Аматын иһин, төһө да сэнии көрдүннэр аакын.
Кыра суол омооно тэпсиллэн үөскүүр кэтит аартык.
Таас хайаны дабайбыт эстэрэ-быстара саарбах.
Түмүккэ туох күүтэрин көрөөрү манна эн бааргын.
Өспөт кутаа, уйулғаны курдат угуттаан
Өрө таһаар дуу хаалбыт бөғөскүн бытаан айантан,
Муммут бөтөскүн бүппэт тумантан быыһаа.
Киһи барыта сыыһар.
“Сыыспатах суох” - диигин, “Өссө охсуһуох” -диигин,
Кэлэппит-кэлэйбит кэмнэргин киэң көғүскэр кистиигин.
Сиэн көрдүннэр синэ биир. Тиһэх кэрдиискэ ким тиийэр?
Ким-тугун кэпсиэ олох эргиирэ. Биитэр?