Тенгиз Габаев (feat. Махмуд Казанчиков) Юч ёзен

Текст песни "Тенгиз Габаев (feat. Махмуд Казанчиков) — Юч ёзен"

Муз. и сл. Махмуда Казанчикова.

Тау къушну уясы- бизни Ата джуртубуз -
Ой, оюлмазлыкъ къалабыз.
Сенде туугъанла, сенде ёсгенле
Бизни атабыз, анабыз.

Къарачай Къобан башланады мындан -
Юч ёзенден акъхан юч суудан.
Къарачай халкъны керти Ата джурту -
Къартджурт бла Хурзук, Учкулан.

Къулакъ суучукъларынг, джай джолчукъларынг,
Къара, тийренге барады.
Атала ишлеген кёб затынг энтда
Кёзден кёрюрча турады.

Къарачай атны сен, бизни халкъны
Кёб сакълагъанса джауладан,
Уллу АЛЛАХНЫ дини келгинчи, эркинлик бергинчи,
Чыгъар мадар болмай тауладан.

Ой, элледен багъалы ким болур,
Ой, ёзенледе туугъаннга?
Бойнуна алыб, Къобан суу бла
Анасы бетин джуугъаннга.

Ызынгдан джорта, къолунгдан тута,
Атанг бла джюрюрча джерлеринг.
Бир биринги сюре, чалдышлагъа мине,
Сабийлик ойнаучу тенглеринг.

Эски Ата джуртубуз, багъалы элибиз,
Къарачай сенден чачылгъан
Къарачай халкъны керти ата джурту -
Къартджурт бла Хурзук, Учкулан.