Тенгиз Габаев Беш Намаз (зикир)

Текст песни "Тенгиз Габаев — Беш Намаз (зикир)"

стихи Кязима-хаджи Мечиева
мелодия народная

БисмиЛлах деб башлайыкъ,
Салат-салам айтайыкъ.
Адетде кюнде джетмиш
Биз тобагъа къайтайыкъ.

Биринчиси – бек алгъын
БисмиЛлахны окъуюкъ.
БисмиЛлахсыз иш этсек –
Ибилисге джол къойдукъ…

Муслиманла, айтама:
Зикир болсун сёзюбюз.
Мен Аллахдан тилейме –
Джандет кёрсюн кёзюбюз…

Кече болса, Аллахха
Шукур этиб джатыгъыз.
Бек сыйлы файгъамбаргъа
Салат-салам айтыгъыз…

Дуния бизни алдамай,
Мудах болсун кёлюбюз.
Аллах бизни тюзетиб,
Джандет болсун джолубуз…